Сегодня, 24 ноября, Алмазбек Атамбаев в ходе торжественной церемонии официального вступления Сооронбая Жээнбековав должность Президента Кыргызской Республики выступил с речью в доме приемов «Энесай» Государственной резиденции «Ала-Арча».

Ниже приводится текст выступления:

“Урматтуу мекендештерим!

Урматтуу чет элдик коноктор!

15- октябрда, ачык жана эркин шайлоодо, көп улуттуу кыргыз эли өзүнүн жаңы Президентин шайлап алды. Мына, азыр баарыбыз күбө болдук, шайланган Президент, урматтуу Сооронбай Шарипович Жээнбеков ант берип, бийлик символдорун алып, расмий түрдө өз укуктарына толук ээ болду.

Мен бул чоң тарыхый окуя менен бүтүндөй кыргыз элимди жана албетте, жаңы Президентибизди, Сооронбай Шарипович Жээнбековду чын жүрөктөн куттуктайм!

Жаңы ажобуз акжолтой болсун!

Урматтуу мекендештерим!

Кадырман кыргыз элим!

Ушуну менен менин президенттик мөөнөтүм соңуна чыкты. Кудайга шүгүр!

Алты жыл мурда мени ушул бийик кызматка шайлагансыздар. Алты жыл тарыхый ченемден алганда бир көз ирмемге барабар. Бирок, бул  өткөн алты жыл, баарыңар билесиздер, өлкөбүздү түп тамырынан өзгөрткөн алты жыл болду.

Бул өткөн алты жыл Манас атабыздын бизге, өз урпактарына, берген насаатын, улуу сөздөрүн жүзөгө ашырган жылдар болду деп айтаар элем. Бул өткөн алты жыл – үзүлгөндү улаган, чачылганды жыйнаган жылдар болду.

Чет элдик политологдор, саясатчылар Кыргызстан мамлекет боло албай калды, бөлүнүп кетет, чачылып кетет, жок болуп кетет деген Мекенибиз, Жараткандын жардамы менен, элдин эмгеги менен, азыркы күндө Американын эң эски, эң тажрыйбалуу Гэллап фондусунун изилдөөлөрүнө ылайык, эски Советтер Союзунун аймагында жайгашкан өлкөлөрдүн эң келечектүү, эң туруктуу өлкөсүнө айланды.

Бул жетишкендик үчүн Кудайга рахмат!Акылман, күжүрмөн, сабырдуу, көп улуттуу кыргыз элиме рахмат!

Урматтуу мекендештерим!

Эсимде бар, өткөн жылы Үркүндө курман болгон ата-бабаларыбызга эстелик куруп жатканда, бул эстеликке кандай сөздөрдү жазабыз деп башыбыз каткан. Ошондо Кудай жалгап, колума 100 жыл мурда, Үркүндө Кытайга качып кетип, ошол жакта азыр да жашап жаткан кытайлык кыргыздардын эски ыры түшүп калды. Анан ошол байыркы ырдан төрт сап алып, ага эки сапты өзүбүз кошуп, Ата-Бейиттеги эстеликке төмөндөгү саптарды жаздырганбыз:

Дүйнөгө ак калпакчан көрүндүк биз.0

Булуттай аалам кездик, чачылдык биз.

Кырылып бара жатып тирилдик биз.

Бөлүнүп бара жатып бириктик биз.

Мекендештерим менин!

Бул сөздөр ар бирибиздин жүрөгүбүздө ар дайым болушу керек.

Эсиңизде бардыр, 2-сентябрда Үркүндө өтүп кеткен ата-бабаларыбызга мемориал ачып, куран окудук. 3-сентябрда болсо, кыргыздын эски салты боюнча ата-бабаларыбыздын ашын өткөрдүк. Аламан байгеси менен, көк-бөрүсү менен, күрөшү менен.

Ошол 3-сентябрда ачылган Дүйнөлүк көчмөндөр оюндарын Жер жүзүндө жашаган элдин көбү көрдү, 800 миллионго жакын адам көрдү. Байыркы кыргыз элин көрдү. Бейиштей болгон кыргыз жерин көрдү.

Бүт дүнүйөгө “биз барбыз” дедик. Кандай кыргындар башынан өтсө да, кандай каргашалуу окуялар болсо да, “байыркы кыргыз эли бар” дедик!

Урматтуу мекендештер!

Кыргыз көчү өз жолун тапты. Бирок, унутпайлык, бул жолду кыргыз элинин жаркын келечеги үчүн өзүнүн канын да, жанын да аябаган, өзүнүн өмүрлөрүн берген эр жигиттерибиз ачып берди.

Аксы окуясында, 7-апрель окуясында курман болгон, жаракат алган жарандарыбыз, эр жигиттерибиз болбогондо, кыргыз көчү дагы эле жол таппай адашып жүрмөк.

Ошол жигиттерибизди эч качан унутпайлык! Дайым таазим этип жүрөлүк!

Урматтуу мекендештерим!

Миңдеген жылдар бою кыргыз эли өзүнүн эгемендүү кыргыз мамлекети жөнүндө эңсеп, тилеп келген. Миңдеген жылдар бою ата-бабаларыбыз өз эли, өз жери үчүн канын да, жанын да аябаган.

Бел бар бекен кыргыз сөөгү жатпаган!

Сай бар бекен кыргыз каны акпаган!

Муну унутпайлык!

Эгемендүү кыргыз мамлекети үчүн ар бирибиз башыбызды курмандыкка чалганга даяр болушубуз керек.

Эгемендүүлүктү көзүбүздөй сакташыбыз керек. Антпесек, бизди урпактар да, Кудай да кечирбейт!

Уважаемые   сограждане, кыргызстанцы! Уважаемый Сооронбай Шарипович!

Дорогие зарубежные гости!

В результате прозрачных и конкурентных выборов народ Кыргызстана избрал своим Президентом Сооронбая Шариповича Жээнбекова. 

Искренне   поздравляю уважаемого   Сооронбая Шариповича с избранием на пост Президента. Я верю, что Сооронбай Шарипович   достойно продолжит избранный Кыргызстаном путь на развитие и процветание. 
Крепкого здоровья и счастья Вам, уважаемый   Сооронбай   Шарипович! Мужества, терпения и, конечно же, удачи!

Новый Президент Кыргызской Республики вступил в должность. На этом моя работа в качестве Президента закончилась.

Хочу выразить огромную благодарность и признательность всем гражданам, моим единомышленникам за постоянную   поддержку. За то огромное доверие, которое вы оказали мне, избрав Президентом. Хочу выразить благодарность своей супруге и своим детям, которые сделали все, чтобы не бросить тень на мою репутацию за эти 6лет.

Также хочу выразить благодарность всем нашим друзьям – международным партнерам, организациям, донорам и институтам. 

Благодаря поддержке народа Кыргызстана, терпению, трудолюбию и вашей поддержке   за это время удалось осуществить ряд реформ в жизненно важных сферах.

Главное – удалось установить в стране   стабильность   и   мир. Страна    за это время прошла суровые испытания на прочность. Мы стали другими, эти испытания закалили нас. Мы стали сильнее и крепче.

По прошествии шести лет мы можем твердо сказать: этот путь был самым сложным и   трудным. Был переломным в истории современного Кыргызстана. Кыргызстан сегодня по-настоящему независимая страна.

За эти годы мы   нашли свой путь развития. Мы последовательно укрепляли государственную независимость. 

Было много    позитивных изменений в жизни нашей страны за прошедшие шесть лет.   Но многое из задуманного я просто не успел сделать. Фактически только три последних года   можно было спокойно   работать. Простите меня за то, что не все ваши надежды оправдал.

Но я всегда   стремился сделать жизнь кыргызстанцев лучше, легче. Старался   всегда быть честным   перед своим народом, перед Богом и перед своей совестью. 

Я спокоен за будущее нашей Родины. Потому, что уверен, что Кыргызстан уже никогда не вернется в прошлое. Наша страна теперь   всегда будет двигаться только вперед.У народа появилась твердая уверенность в завтрашнем дне.
Я верю, что уважаемый Сооронбай Шарипович   продолжит проложенную всеми нами вместе дорогу к будущему нашей страны, продолжит курс на мир и стабильность    в нашей стране, курс на демократическое, открытое государство с сильным гражданским обществом. Уверен, что Сооронбай Шарипович Жээнбеков будет работать честно и справедливо.

Я всегда верил в мудрость нашего народа. И убедился в этом на прошедших Президентских выборах. 

Прощаясь, я хочу еще раз   сказать всем вам спасибо   за доверие и поддержку. Будьте счастливы! Граждане Кыргызстана заслуживают счастья. Счастья жить в мирной и развитой стране.   Счастья мирно воспитывать детей и уверенно смотреть   в будущее.

Я горжусь народом Кыргызстана – гордым и свободолюбивым! Я горжусь, что живу   в Кыргызстане –   маленькой, но чудесной стране! 

У Кыргызстана – прекрасное будущее! И мы вместе будем строить это будущее.

Потому что мы можем быть счастливы только в этой стране! Только в Кыргызстане! На нашей Родине!

И вместе – мы сможем!

         Урматтуу мекендештерим!

         Мен сөзүмдүн башында айткандай, алты жыл тарыхый ченемден алганда көз ирмемге барабар. Бирок мен үчүн бул алты жыл чейрек кылымга барабар болду. 

Албетте, ойлогон ойду кыстаган турмуш жеңет дегендей, бир топ нерсе колуман келбей калды, убакыт да жетпей калды.

Анткени алты жылдын ичинен акыркы эки-үч жыл гана туруктуу, стабилдүү болду. Бирок, айрым убадаларымды, ойлорумду жүзөгө ашыра албадым. Ал үчүн кечирим сурайм, айланайын кыргыз элим. Кечирим сурайм!

Бирок, толук ишенем, кыргыз көчү жолун улантат! Жаңы Президентибиз, урматтуу Сооронбай Шарипович Жээнбеков, чогуу баштаган иштерибизди аягына чыгарат, таза жана адилеттүү ажо болот!

Урматтуу мекендештерим!

Айланайын кыргыз элим!

Эми сөзүмдүн аягында уруксат берсеңиз, жаңы Президентибизге, Сооронбай Шарипович Жээнбековго, батамды берип кетейин. Өзүм жаздым эле, окуп берейин адашпай.

О, Жараткан!

Кыргыздын жаңы ажоосун

Кырсыктын балаасынан сакта,

Душмандын залаасынан сакта!

Дос көрүнүп, кас болгондон сакта,

Жанында жүрүп, өч болгондон сакта!

Соке, досум!

Берекет жаныңдан кетпесин,

Бак-дөөлөт башыңдан кетпесин!

Жорткондо жолуң шыдыр болсун,

Жолдошуң касиеттүү Кыдыр болсун!

Жараткан ар дайым сени колдосун,

Аман бол, бактылуу бол, Соке досум!

Элибизге акжолтой ажо бол, Соке досум!

Оомийин!

Жараткан элибизге биримдик,

Жерибизге берекет берсин!

Жашасын эгемендүү Кыргызстан!”

Отдел информационной политики Аппарата Президента Кыргызской Республики