Келечекке үмүт берип, чолпон жылдыздай жанып келе жаткан Темир Жумакадыровдун кырчындай жаш курагында мезгилсиз дүйнɵдɵн кайткандыгына байланыштуу үй бүлɵ, ага-тууган жана жакын-санаалаштарына терең кайгыруу менен кɵңүл айтамын!

Бул жоготуу бүтүндɵй элибиз үчүн чоң жоготуу болду. Атаганат ɵлүм ак экен, жаштыгы менен курчтугун, акылы менен чынчылдыгын эли үчүн аянбай иштеп жаткан кезинде шум ажал арабыздан алып кетти.

Темир менен алгач Нарын облусунда губернатор болуп турган кезимде бирге иштешип, жаш болсо да ɵз ишин профессионалдуу аткарган, принципиалдуу жана мээнеткеч экенине күбɵ болгонмун. Кийинчирээк Прогрессивдүү Демигелер Фондун түптɵп, коомчулугубузга жаратман демилгелер менен кызмат кылалык деген аракеттерибизде да биз менен башталышынан бери чогуу туруп, мекен үчүн жан үрɵгɵн азамат экенин далилдеди эле. Мына эми мамлекеттик бийликтин жогорку тепкичтерине кɵтɵрүлүп, болгон күч аракетин, билим менен тажрыйбасын элине арначу мезгилде арабыздан айрылып кеттин!  

Темике, сен биз үчүн калыс жана так иштеген, кɵптү үмүттɵндүргɵн жаңы муундагы мамлекеттик кызматчы, башкаруучу элең. Коргоо кеңешиндеги жана вице-премьерлик кызматтарындагы баштаган олуттуу иштериң келечекете ɵлкɵбүзгɵ ɵз жемишин берет деп ишенебиз. Артында ак кызматын, калыс ишин жана жаркын элесин калды!

Кош бол, жаткан жериң жайлуу, топурагын торко болсун элибиздин маңдайына жанган азамат уулу! 

Аскар Салымбеков