Впервые Олимпиада проводится с привлечением независимой организации.
Новости - Кабарлар
Былтыркы күзгү түшүм мурдагы жылга салыштырмалуу аз болду
Былтыр айыл чарба тармагында өндүрүлгөн продукциянын суммасы 187 миллиард 675 миллион сомду түздү. Бул тууралуу басма сөз жыйынында Биринчи вице-премьер-министр Тайырбек Сарпашев билдирди. Анын айтымында, мал чарбасында мурдагы жылга салыштырмалуу 103,4 пайызга өскөн. “Өндүрүлгөн азык-түлүктөрдүн көлөмү 84 миллиард 801 миллион сомду түздү”, - дейт Т. Сарпашев.
Ошону менен катар эле Тайырбек Сарпашев айыл чарба өсүмдүктөрү кургакчылыкка байланыштуу түшүм 2013-жылга салыштырмалуу аз болгонун белгиледи. “Былтыр сугат суунун жетишпегендигине байланыштуу жана жыйноо мезилинде кардын эрте жаашы төө буурчакка, кант кызылчасына зыянын тийгизди. Бирок жасалган иш чараларга байланыштуу күрүч, картөшкө, пияз, сабиз, тамеки, пахта мурдагы жылга караганда көбүрөөк өндүрүлдү”, - дейт Т. Сарпашев.