Чүй өрөөнүнүн дыйкандарынын жазгы талаа иштерин бүткөрүүдө техника менен камсыз болуусу бир топ жеңилдеди. Анткени “Эмгек” партиясы Аламүдүн районунун “Көк Жар” айылында жаңы техникалары бар МТС ачты. МТСтин жетекчиси Эркин Салымбековдун маалыматына караганда, бул жерде  8 трактор, 3 комбайн, 4 соко, 4 пресстөөчү техника, 4 үрөө себүу техникасы бар.

Жаңы МТС Чүй областынын бир топ аймактарында айдоо себүү жумуштарына активдүү катышты. Техника жаңы болгондуктан миң гектарга жакын аянтты жазгы талаа иштери өтө сапаттуу жана жогорку деңгээлде бүткөрүлдү. Трактор айдаган Асеин Кененбаев белгилегендей, бул тракторлордун сапаты өтө жогору.

Кыргызстанда жумушсуздук күчөп турганда жаңы иш орундарды түзүү өтө маанилүү. МТСте бир топ жергиликтүү тургундар ишке орношуп жогорку айлыктуу кызматка орношту. Арасында жаштар да бар. Асеин уулу Жакшылык бул комбайндардын өзгөчө компьютер менен коштолгонуна ыраазы болот. Бул жерде иштеп акча гана таппастан, көңулдөнүп эмгектенесиң.

Эми бул техникалар жакын арада Нарын областынын бир нече райондоруна жөнөтүлөт. Ал аймактагы дыйкандар заманбап техника менен жазгы жумуштарын бүтүрө алышат. “Биз Кочкор жана Ат Башы райондорунун дыйкандарына май айында баштала турган  айдап, себүу иштерине жардам беребиз” – дейт Эркин Салымбеков.