2016-жылдын 29-апрелинде Кыргыз-Түрк «Манас» университетинин 20 жылдык мааракеси өтөт. Иш-чарага бир топ маанилүү коноктордун келиши күтүлүүдө. Кыргыз-Түрк «Манас» университетинин ММК жана Коомчулук менен байланыш бюросу.

Кыргыз-Түрк «Манас» университети тууралуу кыскача маалымат:

Кыргыз-Түрк «Манас» университети 1995-жылдын 30-сентябрында Измир шаарында Түркия Республикасынын жана Кыргыз Республикасынын өкмөттөрү тарабынан кол коюлган «Кыргыз-Түрк «Манас» университетин куруу жөнүндөгү» келишимдин негизинде курулган. 1997-1998-окуу жылынан тартып, студенттерге билим бере баштаган.

Университет эки тараптуу келишимдин негизинде курулган жана өзгөчө статуска ээ күндүзгү жогорку билим берүүчү окуу жай болуп саналат. Кыргыз-Түрк «Манас» университетинде билим берүү акысыз жана кыргыз, түрк тилдеринде жүргүзүлөт. Университет тарабынан берилген диплом эки мамлекет үчүн тең жарактуу болуп эсептелет.

Университеттин миссиясы - Кыргызстан, Түркия жана башка түрк элдеринин жаштарынын бирге билим алышын, биргелешип иштешин, университеттин дүйнөлүк илимге өз салымын кошушун камсыз кылып, түрк цивилизациясынын ренессансына колдоо көрсөтүү, заманбап университет моделин жана заманбап таалим-тарбия берүү стандартын колдонуп, Кыргыз Республикасынын жогорку окуу жайларына үлгү болгудай университеттин системасын куруу, дүйнөлүк интеграция процессинде алдыңкы топто жүрүү жана элге керектүү жогорку билимдүү адистерди тарбиялап чыгаруу.

2011-2012 – окуу жылында Университеттеги факультеттердин саны 9, жогорку мектептердин саны 4, кесиптик жогорку мектептердин саны 1 ге жетти.

Университет 2015-2016-окуу жылында XIV бүтүрүүчүлөрүн уядан учурганы турат. Учурда бүтүрүүчүлөрүбүз дүйнөнүн 32 мамлекетинде иштеп, эмгектенип жүрүшөт.

Университетте заманбап окуу имараттары, китепкана, жатакана, алдыңкы технологиялык лабораториялар жана  өзүнүн басмаканасы бар, студенттерге медициналык кызматтар акысыз көрсөтүлүп, студенттик борбор, клубдар, жатакана, психологиялык жактан көмөк көрсөтүү борборлору, психикалык абалды чыңдоо кызматтары, багыттандыруу программасы, китепкана, ашкана, спорт залдар менен камсыз болуп көптөгөн шарттар түзүлгөн. Университет ичинде спорттук иш-чаралар, маданий жана көркөм өнөр иш-чаралары өткөрүлүп турат.

Бүгүн окуу жайыбызда эң мыкты окутуучулар иштейт, ушул тапта Түркиянын 6 алдыңкы университетинен окутуучулар тандалып келип, студенттерге билим беришүүдө. Университетте эл аралык илимий жыйындар, конгресс, симпозиум, конференция жана лекциялар өтүп турат.

Кыргыз-Түрк «Манас» университети эл аралык мекеме, уюм, эл аралык жогорку окуу жайлары менен студенттер жана академиялык кызматкерлерди алмашуу, практика, академиялык кызматкерлерди даярдоо, орток долбоорлорду өнүктүрүүгө багытталган кызматташтык иштерин жүргүзүп келет. Учурда Эл аралык кызматташуу Түркия, Россия, Япония, АКШ, Кытай, Франция, Англия, Кипр, Индия, Казакстан, Монголия, Кыргызстандын ичиндеги университеттер ортосунда түзүлгөн 52 келишими бар. Ошондой эле университетибиз медиа каражаттары аркылуу таанылууга өзгөчө маани берет. Буга байланыштуу университетибиздин таанытуу иштери Манас FM радиосу, улуттук жана эл аралык медиа тармактарында Түркиядагы ТРТ, улуттук жана жергиликтүү каналдар аркылуу теле-программаларга катышып, медиа кабарларын жарыялап келет.

Бул иш-чара менен катар эле, Кыргыз-Түрк «Манас» университетинин демилгеси менен Борбордук Азия мамлекеттеринин университеттеринин Ассоциациясынын курулушу тууралуу Декларацияга кол коюлат. Бул Ассоциациянын мүчөлүгүнө Европа жана Азиянын 11 мамлекетинин 22 жогорку окуу жайы  макулдугун берди. Декларацияга кол коюу аземи КТМУнун Ч. Айматов атындагы студенттик шаарчасындагы Окумуштуулар кеӊешинин залында 2016-жылдын 29-апрель күнү саат 11:00дө кол коюлат.

Университеттин 20 жылдык мааракесин белгилөөгө Түркия Республикасынын Вице-премьер-министри Йылдырым Тугрул Түркеш катышуу үчүн 27-апрель күнү жеке учагы менен түштө учуп келди.

Күнү: 29.04.2016ж.

Сааты: 11.00

Жери: Жал кичи району, КТМУнун Ч.Айтматов атындагы кампусу,

К.Тыныстанов атындагы жыйындар залы