Впервые Олимпиада проводится с привлечением независимой организации.
Новости - Кабарлар
"Студ полис" гезитине каражат барбы ?
Жалал-Абад облустук "Акыйкат" гезитинин чыгармачыл жамааты Жалал-Абад мамлекеттик университетинин студенттери менен жолугушту. Анда аталган окуу жайда бир нече жылдан бери жарык көрүп жүрүп, кийин токтоп калган "Студполис" гезитин кайра чыгаруу маселеси көтөрүлдү. Бул маселени көтөргөн окуу жайдын филология факультетиндеги "Журналистика жана мамлекеттик тил" кафедрасынын окутуучусу Тинатин Жусупованын пикиринде Жалал-Абадда жарык көрүп келаткан областтык бир нече гезиттерде студенттер үчүн атайын бир бет ачылса, ал болочоктогу журналист - азыркы студенттердин практикалык иштерине жардамы тиймек. Студенттердин бул гезити ЖАМУнун окутуучусу, профессор Аким Акжоловдун түшүндүрмөсүнө ылайык, окуу жайдагы мугалимдер арасында болгон пикир келишпестиктен улам чыкпай калган. 2010- жылы бийлик алмашкандан кийин Жалал-Абад телевидениесинде ага чейин көрсөтүлүп келген "Универси" аттуу студенттердин телеберүүсү да жабылган. Бул көрсөтүү да убагында студенттердин күчү менен даярдалып жүргөн.