«Нурлан Дүйшекеев атту жаран карапайым элдин ишенимине кирип, алдоо жолу менен өтө чоң суммадагы акча алган», - дейт бүгүнкү маалымат жыйында Мавлян Аскарбеков.

Анын айтымында, Н. Дүйшекеев деген жаран 44 адамды алдап кеткен. «Алты адамдын акчасын бүгүнкү күндө эсептегенде 244 миң доллар. Менин апамдан 17 миң долллар акча алып, алдап кеткен. Ушул жылдын 26-май айында ал кармалды, бирок биз арыз жазсак, убакыт өтүшүнө байланыштуу кылмыш ишин козгой албай тургандарын билдирип, арызды кабыл алышкан жок. 2010-жылы ага кылмыш иши козголгон экен. Ошого карабастан чет мамлекеттерге чыгып жүргөн. Нурлан Дүйшекеевдин үчтөн ашык аялы бар экен. Бардык мүлктөрүн аялдарына, жакын туугандарына жаздарып койгон. ИИМдин 5-бөлүмүнүн жетекчисинин орун басары Низахун Алахунов анын жакын тууганы экен. Бүгүн дагы ошол адамдын жардамы менен жоопкерчиликтен качуу айласын көрүп жатат. Ошондуктан биз бул боюнча ички иштер министри Мелис Турганбаевге, башкы прокурор Индира Жолдубаевага кайрылабыз. Алар бул ишти жеке көзөмөлдөрүнө алып, мыйзамдуу жана акыйкат чара көрүп беришин суранат элек», - дейт М. Аскарбеков.

Бүгүн, басма сөз жыйынына Нурлан Дүйшекеевдин алдоосуна душаар болгон Алимжан Раймахунов, Мавлян Аскарбеков, Бахтияр Самратов, Асель Жусупова катышты.

М. Аскарбеков башка дагы Н. Дүйшекеевдин алданган жарандарды 0555 666 096 номерине байланышын суранды.