Ѳткѳн жума күнү Чүй областынын Панфилов районундагы Тельман атындагы айылдын 87 жаштагы тургуну Зина Жумагулова партияга мүчѳ болуу үчүн арызын жазып «Эмгек» партиясынын тѳрагасы Аскар Салымбеков менен жолугушканы атайы келди. Ал жолугушууда элдин кайрымдуу уулу аталган Аскар Салымбеков түптѳгѳн партияга эл арасында урмат-сый жогорулап, жашоону жакшыртууга ѳбѳлгѳ берет деген үмүт пайда болгондугун билдирди. Ушундан улам ѳзү Бишкекке партияга ѳтѳм деп келгендигин айтып, партия ѳз алдына коюп жаткаан милдеттерин аткарып, элдин каалоосун канааттандырсын деген милдетти да койду.

Андан тышкары Зина Жумагулова ѳзүнүн жубайы Карыпбек Жумагуловдун ысмы коюлган мектептеги музейге жардам берүүнү ѳтүндү. Анын айтымында, балдарды мекенди сүйүүгѳ тарбиялоодо ѳзү туулуп-ѳскѳн жердин, элдин тарыхын билип, жакшы иштери менен атагы чыккан жердештери менен сыймыктануу эң жакшы негиз болот. Ошон үчүн мектепте айылдын тарыхы, атактуу адамдарынын турмуш жолу жана башка сыймыктануу сезимин жарата турган окуялар тууралуу баяндаган музей уюштурулган. Бирок, аны жаңы экспонаттар менен жабдып, ыңгайлуу жайга айландыруу үчүн каражат жетишсиз. Ошондуктан, Зина Жумагулова буга чейин айылдагы балдарга 65 орундук балдар бакчасын ѳз каражатына керектүү эмерек жана жабдуулар менен камсыз кылып берген «Эмгек» партиясына кайрылып, элдин мүдѳѳсүн да билдирүү үчүн келген.

Аскар Салымбеков мындай кайрылууну «Эмгек» партиясы четке какпай тургандыгын билдирип, жардам берерин билдирди.